لەماوەی مانگی سێپتامبردا دا لانیکەم ١٦ کۆڵبەر و کاسبکار لە سنوورەکانی کوردستان کوژراون و یان بریندار بوون.

بەپشتبەستن بە ئاماری تۆمارکراو لە ناوەندی ئاماری ڕێکخراوی مافی مرۆڤی هەنگاو، لە ماوەی مانگی سێپتامبری ٢٠١٩ دا، لانیکەم ١٦ کۆڵبەر لە سنوورەکانی  ئێران کوژراون و بریندار کراون کە ٨٨٪ی ئەو حاڵەتانە بە تەقەی ڕاستەوخۆی هێزە چەکدارەکانی ئێران بووە.

 لە ماوەی حەفتەی ڕابردوودا دوو کۆڵبەر لە سنوورەکانی سەردەشت و سەقز بە تەقەی هێزە چەکدارەکانی ئێران بریندار کراون.

بەپێی ڕاپۆرتی گەیشتوو بە ڕێکخراوی مافی مرۆڤی هەنگاو، لە ماوەی ڕۆژانی ڕابردوودا کۆڵبەرێکی خەڵکی سەردەشت بە ناوی ”خدر بیلووکە لە میراوای سەردەشت بە تەقەی هێزە چەکدارەکانی ئێران بریندار کراوە.

کۆڵبەرێکی کوردی خەڵکی شاری ورمێ، بە تەقەی ڕاستەوخۆی هێزەکانی سپای پاسداران بریندار کرا.

بەپێی ڕاپۆرتی گەیشتوو بە ئاژانسی هەواڵدەریی کوردپا، ڕۆژی یەکشەممە، ٣١ی خەرمانان، کۆڵبەرێکی کورد بە ناوی "شەفیع حەمیدی"، کوڕی "هاشم"، لە نزیک گوندی "خانێکـ"ـی شاری ورمێ، لە ئەنجامی تەقەی هێزەکانی سپای پاسداران پێکرا.

 

 

لە ماوەی مانگی گەلاوێژی ئەمسا‌ڵدا هەر نەبێ 135 حاڵەتی زبری پێشێلکردنی مافی مرۆڤ لە ڕۆژهەڵاتی کوردستان ڕووی داوە کە ناوەندی مافی مرۆڤ بۆ ڕۆژهەڵاتی کوردستان تۆماری کردوون.

به‌ پێی بانکی زانیاریی ناوه‌ندی مافی مرۆڤ بۆ ڕۆژهەڵاتی کوردستان لەم مانگەدا‌ لانیکەم کۆڵبەر و کاسبکاری کورد بە تەقەی ڕاستەوخۆی هێزه‌ چه‌کداره‌کانی کۆماری ئیسلامی کوژراون و بریندار بوون. لەو کاسبکارە 13 کەسیان بریندار بوون و 5 کۆڵبەریش کوژراون و گیانیان لە دەست داوە. لە مانگی پووشپەڕیشدا 30 کۆڵبەری ناوچە سنوورییەکان کوژرابوون و بریندار بوون.

 

لە درێژەی کارەساتی کوشتن و بریندارکردنی کەسبکاران و کۆڵبەرانی بێدەرەتانی کورد بدەستی هێزەکانی کۆماری ئیسلامی، کۆڵبەرێکی دیکە لە ناوچەی شنۆ کەوتە بەر دەسرێژی چەکدارەکانی ڕێژیم و بە سەختی بریندار کراوە.

کۆڵبەرێکی کورد بە تەقەی ڕاستەوخۆی هێزە چەکدارەکانی کۆماری ئیسلامی بە سەختی بریندار بوو. ڕۆژی پێنجشەممە، ١٩ی بەفرانبار ، هێزە چەکدارەکانی کۆماری ئیسلامیی ئێران لە ناوچەی چاڵدێرانی ورمێ تەقەیان لە دەستەیەک لە کۆڵبەران کرد و لە ئاکامی تەقەی ئەو هێزانەدا کۆڵبەرێک بە ناوی مەجید مەزلومی” ،تەمەن ۲٥ ساڵ ، بە سەختی بریندار دەبێ و بۆ چارەسەر برینەکەی بۆ شاری وان لە باکووری کوردستان ڕادەگوێزرێ.

لە ساڵی ڕابردووی زایینی لاینکەم ٢٥٢ کۆڵبەر و کاسبکاری کورد لە سنوورەکانی کوردستان کوژراون یان بریندار بوون کە زۆربەیان بە تەقەی ڕاستەوخۆی هێزە چەکدارەکانی ئێران کراونەتە ئامانج. ڕێکخراوی مافی مرۆڤی هەنگاو لە چوارچێوەی چالاکییەکانی خۆی بە شێوەیەکی ڕێک و پێک و ساڵانە ڕاپۆرتی ئاماری سەبارەت پێشیلکاری مافی مرۆڤ لە ڕۆژهەڵاتی کوردستان لەسەر پرسە جیاوازەکان بڵاو دەکاتەوە.

دوای چوار ڕۆژ گەڕان لە بەرزاییەکانی تەتە، دواجار تەرمی کۆڵبەرە تەمەن ١٤ سالەکە کە لە سەرما ڕەق هەڵاتبوو، دۆزرایەوە. بەپێی ڕاپۆرتی گەیشتوو بە ڕێکخراوی مافی مرۆڤی هەنگاو، ئێوارەی ڕۆژی هەینی ٢٩ی سەرماوزی ٢٧١٩ (٢٠ی دێسامبری ٢٠١٩)، دوای چوار ڕۆژ گەڕانی بەردەوام دواجار ”فەرهاد خوسرەوی تەمەن ١٤ ساڵ لەلایەن خەڵکەوە دۆزرایەوە.